Chirivehi i chirivia son la mesma parabra
Trebahandu nel icionáriu, de que m’enfrontilé a las múrtipris varieais que desistin p’almiental a la chirivia, pensé ena parabra chirivehi, que tan soná se hizu con el puema omónimu e Chamizo.
La etimulohia pahi bastanti crara: chirivia tini que vel con el castellanu alcaravea, dambas las dos holmas son volucionis destintas dun mesmu étimu arabi: (al-)karawíyya. La chirivia es un paharinu que, ondiquiá que esté, anda moviendu la cola. Esti paharu es a lo que las presonas cuandu izimus que arguin es un porvorilla. Entri lo chiqueninu que es i pola movición la colina, el estremeñufalanti enhalló densiguia el pahiu colos zagalinus chiqueninus cuandu son mu ardilosus, enllenus d’enelhia que andan tol dia bregandu palantri i patrás i tuvió l’ocurréncia de llamal a los zagalinus desti heitu chirivehis, con un deminituvu ralu en estremeñu, cumu lo es el -ehi de -ehu < -icŭlum.
Amás, abemus la parabra, tamién de la mesma raís chiriviqui, que es la presona desinquieta que nunca acaluga, holmá con el tema chiriv- mas el sufihu -iqui, el cual andu envestigandu entri el lésicu estremeñu i asperu escribilvus plontinu un artículu al tentu.
Esta es una las muchas curiosiais qu’idré revelánduvus holmi vaiga escrebiendu el icionáriu.
Chirivia
La etimulohia pahi bastanti crara: chirivia tini que vel con el castellanu alcaravea, dambas las dos holmas son volucionis destintas dun mesmu étimu arabi: (al-)karawíyya. La chirivia es un paharinu que, ondiquiá que esté, anda moviendu la cola. Esti paharu es a lo que las presonas cuandu izimus que arguin es un porvorilla. Entri lo chiqueninu que es i pola movición la colina, el estremeñufalanti enhalló densiguia el pahiu colos zagalinus chiqueninus cuandu son mu ardilosus, enllenus d’enelhia que andan tol dia bregandu palantri i patrás i tuvió l’ocurréncia de llamal a los zagalinus desti heitu chirivehis, con un deminituvu ralu en estremeñu, cumu lo es el -ehi de -ehu < -icŭlum.
Amás, abemus la parabra, tamién de la mesma raís chiriviqui, que es la presona desinquieta que nunca acaluga, holmá con el tema chiriv- mas el sufihu -iqui, el cual andu envestigandu entri el lésicu estremeñu i asperu escribilvus plontinu un artículu al tentu.
Esta es una las muchas curiosiais qu’idré revelánduvus holmi vaiga escrebiendu el icionáriu.
Comentarios