Manifiestu a favol del cántabru

Letoris la mi bitácura, vos piu una mihina colabutación pa colos helmanus de Cantábria qu'andan piyendu reconocéncia el cántabru. 


Recordai qu'el cántabru es la luenga mas celcana al estremeñu, pos nangún tiempu el pasau huerun una mesma.

Hechaili una visual al manifiestu que desisti ena páhina de Plataforma Esclave

Si andais dalcuerdu colos prencípius que defiendin, achuchai aquí pa filmal a favol.

Déimuli un vencihonzinu dendi Estremaura!

Comentarios

Anónimo ha dicho que…
¡Mú güenas!

Me presentaré: Soi Ander Medina peru siempri mi jagu llamal Camil d'espeya. Hogañu diriju una rivista ena redi sobri'l puebru d'Espeja (El Encinar) ena qu'efiendu la lengua lionesa y estremeña. Palru ena palra d'El Rebollal.

Quería idilti qu'estoi viendu esta página dendi hai muchus mesis y anque nunca lu hi dichu, está bastanti bien jecha. Tamién hi leíu el tu labutu d'ortugrafía el estremeñu. Lu que nu sé entavía es ondi poel recogel información sobri la gramática. ¿Tú sabis d'esu? u angún cursu u algu...

Noragüena, Ismael. Gracias a presonas cumu tú, l'estremeñu de seguru qu'arriba lejotis.
Ismael Carmona García ha dicho que…
Ola Camil, grácias pol cuental cumu letol del Cúyu pan eharras i pol sel unu los poquinus qu'abemus en efendel el estremeñu.

L'ortugrafia es el primel pasu. La gramática tardará lo suyu polque estoi envestigandu custionis que enhamás s'án pranteau nel estremeñu, cumu la sintasi u la morfulohia verbal u la compusición i derivación nel lésicu.

Asperu qu'entri tós seyamus escapazis d'ahilal palantri i d'empiil qu'el estremeñu espeni. Un salú.

Entradas populares de este blog

El conventu de san Marcus en Marchagás

Estremaúra, cotu de caça

ESTREMEÑU: LA IDIOMA ATARUGÁ