Mas parabras poblanchinas
Acabu de ponel un haci de mas parabras en el Vegas Bajas. É precurau ponel la prenunciación de ca parabra, enque angunas án saliu mal, pero vos podís jechal una idea. Veilas aquina.
El conventu de san Marcus en Marchagás
Jincau por baju del picu de santa Bárbara , ena sierra d'Altamira, entre Palomberu i el Casal de Palomberu, está el puebrinu de Marchagás arroeau d'olivus i plaus que se destiendin ata cuasi las mesmas cotorinas de las montañas. Vista del conventu/chibiteril Por cima del puebru, a cuasi dos quilometrus subiendu unas barreras mu prunas está entre la fusca i comeerus de cabras i d'umanus el conventu de san Marcus , mirandu al meyudía. Pa dir al conventu es mejor subir a peoncia pol caminu las Pegocheras que ajila dendi la praza las Majaíllas. El primer cachu está acementau i de en seguía el caminu es pizarrosu con joyus de las correntías i con recuéncanus cerraus por causa de las escobas ata la Joya María. Cuasi tol caminu passa por olivaris i peñas de pizarra. Dendi la Joya María parriba ya es puru monti entrebolau con alcornoquis i argún que otru pinu ata aportar al conventu. Pareonis Las vistas de la sierra i del valli de Palomberu son estrordinarias si precisar subir a
Comentarios
Ara mesmu estoy esmiençandu colos mis estuyus, peru me petaría abondu colabutal eno que hiziera farta, assín cumu deprendel mejol la muestra luenga.
Tamién quería ensiñalti un vídiu d'una conferéncia el filólogu Juan Carlos Moreno (nu sé si lo conocerás) al tentu los "Seis mitus del nacionalismu lingüísticu español".
Un salú. Asperu la tu respuesta.
http://www.kaosenlared.net/noticia/seis-mitos-nacionalismo-lingistico-espanol