jueves, diciembre 03, 2009

El derechu el estremeñu

Landeandu una mijina entri las leis tocantis al sistema educativu estremeñu u que tien relación con él ei hallau cosas enteressantis i utis pa la reconocéncia i concenciación social del estremeñu.

Nesti primel endilgui vos bicharé a tentu la lei sobri la que se sostriba la reconocéncia i proteción la muestra luenga, pos eno que respeta al enmarcaeru legal, avemus reconocéncia en quantu bien cultural i moaliá lingüística, andi se precura conocimientu i respetu.

Emprencipiamus pola lei que a tolos españolis albarca, la Constitución española. Aquina mos acogemus a dos artículus prencipalmenti:
Art. 3.3. La riqueza de las distintas modalidades lingüísticas de España es un patrimonio cultural que será objeto de especial respeto y protección.
Art. 20.3. La ley regulará la organización y el control parlamentario de los medios de comunicación social dependientes del Estado o de cualquier ente público y garantizará el acceso a dichos medios de los grupos sociales y políticos significativos, respetando el pluralismo de la sociedad y de las diversas lenguas de España.

Vayemus agora pal Estatuto de Autonomía de Extremadura (LO 1/1983 de 25 Hebreru). Mos referimus al testu que avemus teniu tós estus añus sin gastal los derechus tocantis a la muestra luenga, al del 1983, no el que á siu aprevau estus dias atrás.
Art. 6.1. Los derechos, libertades y deberes fundamentales de los extremeños son los
establecidos en la Constitución.
Art. 6.2.g. [Las instituciones de la Comunidad Autónoma de Extremadura, dentro del marco de su competencia, ejercerán sus poderes con los siguientes objetivos básicos]: Potenciar las peculiaridades del pueblo extremeño y el afianzamiento de la identidad extremeña, a través de la investigación, difusión, conocimiento y desarrollo de los valores históricos y culturales del pueblo extremeño en toda su variedad y riqueza.
Art. 7.1.15. [Corresponde a la Comunidad Autónoma la competencia exclusiva en las siguientes materias]: Cultura, sin perjuicio de lo dispuesto en el artículo 149.2 de la Constitución y defensa del derecho de los extremeños a sus peculiaridades culturales.
Art. 11. Asimismo, corresponde a la Comunidad Autónoma la protección de las peculiaridades lingüísticas y culturales, así como el acervo de las costumbres y tradiciones populares de la región, respetando, en todo caso, las variantes locales y comarcales.

El testu la propuesta la rehorma el Estatutu —aprevau el passau 17 Noviembri nel Congreso—, espubricau nel Boletín Oficial de la Cortes Generales el 9 Outubri desti añu, arrecogi veloquí estu:
Art. 6. Los derechos fundamentales de los extremeños son los establecidos en la Constitución.
Art. 7.2. [Los poderes públicos regionales] Fomentarán los valores de los extremeños y el afianzamiento de su identidad a través de la investigación, desarrollo y difusión de los rasgos sociales, históricos, lingüísticos y culturales de Extremadura en toda su variedad y extensión, con especial atención al rico patrimonio de las formas tradicionales de la vida de los pueblos, en un marco irrenunciable de pleno desarrollo socioeconómico rural.
Art. 9.1.48. [La Comunidad Autónoma de Extremadura tiene competencia exclusiva sobre]: Cultura en cualquiera de sus manifestaciones. Patrimonio histórico y cultural de interés para la Comunidad Autónoma. Folklore, fiestas y tradiciones populares. Protección de las modalidades lingüísticas propias. Academias científicas y culturales de Extremadura.

Con tó estu qu’avemus, creu que ya poemus enlialmus a sostribalmus ena lei paque dende la Almenistración se proporcionin herramientas pal estuyu, apoyu i devulgación las luengas estremeñas (no namás el castellanu, sino tamién el portugués rayanu, la fala i el estremeñu) i el dialeutu castú. El desenterés que atualmenti muestra no es compatibri conos derechus i deveris que tien en Estremaura ni encaraba nellu, lo mesmu que tapocu es legítima la presecución, guarreu, farrungamientu i farsificación que se vien hiziendu pol parti el Sistema Educativu, quandu no el su total aborramientu.

Amás con esti sostribaeru pol parti l’Almenistración la concenciación social acontecerá enantis de que seya demaseau tardi a ponelmus a arrecuperal la luenga i sedrán los propius ciaanus los que dessijan essus deveris i compromissus comu dende aquí hagu yo. Es momentu de reflessional i movelmus.

5 comentarios:

Ringurrangu dijo...

La terminología ambigua essa de "modaliá lingüística" que sali ena costitución tamién la hiban aprovecháu pol ejempru los andaluðis, pero nel muestru casu no s'encraran cuálas son essas "modaliáis lingüísticas". Palran de protección, pero no iðin en qué ebi concretalsi essa "protección" (a namás que jaðel estuyus dialectológicus, a que se deprenda enos colegius...) ni a qué modaliáis concretas se refíin. Me sé d'angunu que s'atrevería a iðil que lo que mujotrus jaðemus es lo contariu a "protegel". De toas jolmas, lo que juera de toa dúa quea comu ilegítimu es el guarréu de las muestras jolmas de palral. Llamal al estremeñu de "castillanu mal palráu" va contra dambus los dos estatutus que bemus teníu, es antiestatutariu, pesi a que lo jaðin jata catedráticus. Essu sí, d'essas basis legalis es d'andi tenemus que partil.

Sin embalgu no es en essu namás eno que s'ha jechu pocu pol cumpril eno curtural cono que iði l'estatutu. Al respectibir essu de "la investigación, difusión, conocimiento y desarrollo de los valores históricos y culturales del pueblo extremeño en toda su variedad y riqueza" apeninas s'ha jechu na y estamus a añus lus de lo que s'ha jechu en otras comuniáis autónomas a tentu estuyus etnológicus, recogía de folklori. La ley, en estu comu en tantas otras cosas, paji que siempri ha estáu ahí comu una reoma froris, pa adornal namás, pero tenemus que dexigil que se cumpra. Y si assín y to no lo jaðin tendremus que jaðel mujotrus solus lo que se suponi que tendría que sel debel la alministración.

Ringurrangu dijo...

Al tentu estu de que sigún la ley las luengas estremeñas tendrían qu'acibil mayol protección ya han habíu espertus ena materia que s'han prenunciáu bien craru, jata professoris de derechu ena UEX:

http://dialnet.unirioja.es/servlet/articulo?codigo=2527099

(Daili a lo de "descargar)

Der Künstler dijo...

Ena mi opinión no se puei hazel esu de adotal el estremeñu comu luenga pa la enseñananza, creu que podría enseñal los rasgus especialis de las palras estremeñas. Amás que creu que pa podel usal la comu luenga d'enseñanza, deberían desistil palrantis jovenis "purus", i la verdá, dudu que aigan. Comu conclusión creu que la palra estremeña desaparecerá

Ringurrangu dijo...

Der Künstler, paquí pol ejempru nel País Vascu ya la idioma s'arrecupera pol me un processu d'"inmersión" templana. Inque los pairis no conozan la idioma, pallí a menú envían a los sus chirivejis chiqueninus a escuela totalmenti monolingüi en vascu ya dende edáis templanas, dende los 3-4 añus. A la final los chirivejis acabban deprendiendu la idioma que sus agüelus palran pero sus pairis no. Y los pairis tan contentus. Jadel essu en Estremaúra sedría cuasi empossibri, pero la radón d'essu estaría más bien en el pocu apoyu qu'acibiría essa propuesta, materialmenti pue jadelsi ya que se jadi en otrus lugaris. En Estremaúra lo mijol sedría pranteal que l'estremeñu se puyera estuyal comu assignatura optativa, cosa que ya se jadi pol ejempru en Asturies. En Asturies tampocu nu es que haigan muchus palrantis chiquininus matelnus en condicionis, pero muchus dagalis estuyan asturianu optativaenti ena escuela, lo deprendin y acabban puyéndulu palral. Con el aragonés aconteci paicíu. Si essu se jidiera en Estremaúra ya el pobrema de que l'estremeñu ejara de dexistil pol compretu s'acabbaría, inque la su situación no s'aviaría del to con essu.

Lo que sí que que no tiini sentíu es la situación actual, ondi inque a vedis essu se va arregrandu, tenemus que pesi a que la ley idi lo contrariu, en angunus librus de textu en qu'estuyan dagalis chiqueninus se califican los rasgus estremeñus despectivaenti. Velequí angunus ejemprus:

http://cuyupaneharras.blogspot.com/2007/01/lo-que-deprendin-enas-escuelas.html


Essu va craraenti a la escontra la ley:

Art. 11. Asimismo, corresponde a la Comunidad Autónoma la protección de las peculiaridades lingüísticas y culturales.

Anónimo dijo...
Este comentario ha sido eliminado por un administrador del blog.