jueves, enero 13, 2011

Vergonçosu

Acabu de queal-me espasmau viendu el Canal Extremadura con una notícia que án jechau vai un ratinu. A lo vistu, en el Senau án repuchau -i creu que essi es el términu essatu- la propuesta los gallegus (atencion, los gallegus, que los própius estremeñus no izin ná) de que se reconociera el portugués en Olivença i la fala en el Val de Xálima en el estatutu que aprevarun ena Assamblea d'Estremaura i que ya, por tercel ves, dan el vistu güenu en el Senau.

Aquina unus endilguis d'esta mañana que palran a tentu d'ellu:

http://www.lacronicabadajoz.com/noticias/noticia.asp?pkid=62831
http://www.radiointerior.es/index.php?op=noticia&id=18342
http://www.elperiodicoextremadura.com/noticias/noticia.asp?pkid=555077&page=4

Resulta vergonçosu el tratu que le dan a estas dos lénguas en Estremaura, lo primeru, i lo segundu en essa España prural de la que tantu galrean paí, produtu tó ellu de los prejuícius i de la inoráncia. Si estu es lo que opinan del portugués i de la fala, qué no pensarán del estremeñu? Enantis de apreval o desaculal-se el goviernu duna realiá comu lo son la fala i el portugués en Estremaura sedria mestel que se decumentaran un quantu-quantu tan ensiquiera i alogu obraran. Menus mal que essestin las emiendas i quandu estén las cosas comu tienin que estal, allá que mos espetemus pa hazel que lo que tengan que retifical, lo bichin de la horma mas aparenti. Asperu que oliventinus, mañegus, lagarteirus i valverdeirus no se quein engurrius i peguin un apitiu adenunciandu estu a los meyus.

2 comentarios:

Ringurrangu dijo...

Esta vedi los nacionalistas gallegus están una mijina más moderáus y paji que prantean las cosas bien, vidun que si no lo jadin assina no sería possibri qu'aceptaran la enmienda. Ya no idin na de que "a fala" sía gallegu, namás idin qu'es otra varianti más del gallegu-portugués, la llaman de idioma y palran de leis que la regularán qu'estarán jechas pa Estremaúra. Y assín y to les ha dau igual, el senáu ha repucháu la enmienda. Lo peol es lo de comu lo presentan angunus meyus comu "injerencia" cuandu es algu que jadi farta, no idin na de gallegu sino de gallegu-portugués y las competencias lingüísticas le correspondin toas a Estremaúra, no idi na de que s'empongan u se jagan las políticas lingüísticas o las normativas dende Galiza. Esti es el testu la enmienda, y yo nella no veu nenguna "injerencia", lo que se proponi nella es lo lógicu y necessariu:

"La variante del gallego-portugués, denominada A Fala, es idioma propio y oficial en el valle de Xálama y, más en concreto, en las localidades de San Martín de Trevejo, Ellas y Valverde del Fresno. El portugués propio de la localidad de Olivenza tendrá el mismo reconocimiento en su ámbito territorial. Una ley regulará las zonas de uso, los derechos de utilización por sus hablantes ante las administraciones públicas y las medidas de protección y fomento en los diversos ámbitos sociolingüísticos."

antòniu dijo...

Vergonzosu, impresentabli, antidemocráticu... pa lloral (o nu paral de riyil). Sin dúa anguna, quiciás un tema emportanti a tratal ena reunión desti vielnis en Cazris:
REIVINDICACIÓN, DESIGENCIA, CONCENCIACIÓN Y RECONOCENCIA!!!

Antòniu