domingo, abril 24, 2011

Diccionario Extremeño

El Diccionario Extremeño acabba de superal las 10.000 entrás (10.005, pa sel essatus arrepartias en 425 páginas). Es un trabbaju largu i cansau, pero a pocu a pocu va tomandu la hechura suficienti comu paque drentu de ná lo saqui. Esti no va a sel un parabreru mas comu a los que estamus acostumbraus: es un dicionáriu, con enteracionis, además de semánticas, de prenunciacion, morfológicas, sintáticas, locucionis, etimologia i prencipalis variantis.



Quantis que tengamus consensu ortográficu en el OSCEC adataré l'ortografia las parabras i espubricaré la primel edicion del dicionáriu, que, esperemus que puea sel en hormatu degital i enprentau. Dende aquí doi las grácias a tolos que d'anguna manera án ayuau en él, mas que ná a los enformantis i a los colavoraoris en tous estus añus que de manera desenteressá m'án estau dijendu senificaus, usus i parabras nuevas.

4 comentarios:

juan dijo...
Este comentario ha sido eliminado por el autor.
juan dijo...

Noragüena pol tu sobberanu trebaju y gracia en nombri d´Estremaúra y la su curtura.

Huliu dijo...

Noragüena

Anónimo dijo...

Me caguen la lemi ya jera hora que alguin se precupara pol nuextra lengua,si nos yaman baturrinus que nos llamin,peru semus asina y siempri asina,estoy jartu de tantu señorinu y de tantus excarnius ah nuextru lenguaji,un casangomeru.