Entradas

Mostrando entradas de enero, 2012

Léssicu de Las Vegas Baxas: Retahila 29-01-12

Acabu de subil una nueva retahila con léssicu estremeñu de Las Vegas Baxas . La retolá de parabras i el gastu que se hazi d'ellas costitúi una parti essencial de tolas lenguas. En el casu l'estremeñu, la situación es compricá, porque ca ves son más las vozis del castellanu que suponin las estremeñas. Formi passan los días, está más difici poel oyel naturalmenti  parabras comu andorina , antigual del común golondrina , compresibli  de ves de compasivo o reponel  por ves de reformar . Estas parabras son las que gastan los mayoris i que los nuevus, por no sabel las generacionis d'entremediu, se quean tamién sin sabé-las i lo que es piol: se quean sina golienda de preguntal qué senifican. Tenemus de dil ahinchonandu essa golienda entre la joventú colos métodus que tengamus a manu i s e passi el testigu dela parabra . Tal ves, alo primeru no divan a gastá-llas, peru ya las conocin. El gastu duna parabra se idrá assentandu quantis que la concencia de comunidá lingüística s'

quiLéxico

Imagen
En estus días los medius estremeñus án apregonau la lavol dun zagal que gastandu delas nuevas tenologías está dandu a conocel el patrimoñu léssicu de La Serena. Se trata de Ángel Manuel García Carmona, quien á criau quiLéxico andi de manera cenzilla i ligera poel consultal o entral vozis de Quintana, Castuera o Campanario.  Es buena noticia, tuviendu en cuenta la falta interés generalizá que muestra la joventú en custionis culturalis, quanti más las tradicionalis. En esti casu, comu ya se prencipió dendi la revista La Belsana (esparecía muchu á), Paseo Virtual o mesmu los bloguis o la Güiquipedia pola nuestra parti, la Redi sirvi pa divulgal lo que no trasciendi dela oralidá.  Dendi aquí muchu ánimu a esti zagalín, que con 15 añus, está siendu anombrau pola su eniciativa. Prensa: Hoy: "Ángel Manuel García, un 'manitas' de la informática a los 15 años" .

Muamus las señas

Dispués de tantus añus, el Cúyu pan esgarras? , múa el nombri la su url cuyupaneharras.blogspot.com a:   cuyupanesgarras.blogspot.com La muación á síu a trocu de siguil las nuevas regras ortográficas el estremeñu que estamus entanguilandu dendi el OSCEC. Ata que no sean más corrientis las buscas conas nuevas señas, la primel entrá en el Google vos dará marru. Dispensai el cambiu, esperu que no vos suponga muchu tracamundeu.