martes, julio 31, 2012

Palremus estremeñu!

L'amiga Melanie, dendi Canadá, mos á susprendíu esti viagi cola abriúra duna corrobla pal estremeñu: Palremus estremeñu! Esta corrobla es abierta: namás ai que escrevil-si al ella pa opinal, contestal i compartil tolo tocanti al estremeñu i a Estremaúra. La fin d'esta corrobla es caraveal en estremeñu paque los que quieran aprendel, puean hazé-lu duna manera libri i palos palrantis d'estremeñu poel espressal-si ena su lengua. Aludial el estremeñu dendi la Redi es algu que siempri amus afiau dendi lo primeru: Belsana, Paseo Virtual, La Güiquipeya, QuiLéxico, Voz de mi tierra, una tupa de bloguis, etc., gastandu de tolos formatus que la Redi mos á premitíu, siempri de baldi i con muchu eshuerçu por parti delos sus criaoris i gestoris.

En Palremus estremeñu! ain ya varius temas  abiertus de lingüística, carava general, aprendizagi i coltura ondi, arregru al tema, escrevil lo que  empareji. 

Era mestel un sitiu púbricu pal corrobleu de manera más abierta al púbricu de tós laus, hueraparti delos que ya están en Facebook.




Vos animu a entral i a dil queandu las vuestras preguntas i osservacias eno tocanti a Estremaúra. Pa entral achuchai aquina. Ya vais viendu que a pocu a pocu el estremeñu se vá destendiendu pola Redi!


No hay comentarios: