domingo, mayo 18, 2014

El molinu de Topeti

Caçris enamora comu capital, peru quiciá que los tesorus que quean agarvaus delas rutas i del visiteu sean los que más atraigan. 

Sin pensal-mus que la rivera de Guadiloba truxera tantus tesorus ena su corrienti, el otru día mos topemus un rinconinu preciosu, escamuflau entre la piçarra, en una delas retortuñas que hazi: el molinu de Topeti.

Mapa del lugal del IGN
 Al norti dela capital, diendu pola carretera de Torrejón, un poquinu dispués de salil el cruzi pa Marta, ai una carreterucha que tira pal Casal. Pos passandu Guadiloba s'encuentra ena retortuña que está asseñalá en el mapa la parti de Topeti con el su molinu.
Muru dela presa con el molinu al mediu
 No es un molinu namás, es un conjuntu d'arquitetura tradicional imponenti: presa, piçarra, cazis, molinu, almacén i probablimenti, vivienda. El rincón por juntu tien una riqueza del paisagi i dela arquitetura casá con él delos pocus que poemus vel tan bien escamuflaus.
Vista del conjuntu en abaxandu pala rivera

Pozus de nivel

Detalli del muru dela presa conos pergañus d'acessu
 Es una pena no poel vel por dentru el edificiu del molinu por avel una higuera enormi entaponandu la entrá. Ena toça de ladrillu puei vel-si la fecha de 1913 o 1918 (del últimu númiru namás se vei la metá pabaxu).
Piletas escavás ena piera
Hornichi duna delas casas

Puerta con bastiol decorau


Cazi de desagüi del molinu

Salienti de piçarra aprovechau de paré i cantarera
Ventantina de vegilancia

Costrución liquiamenti de piçarra aprovechandu una paré dela barrera
La puenti de piçarra

Detalli delos materialis duna dela parelis delas costrucionis

Piera rebaxá i presa
En otru reportagi mos diremus más patrás en el tiempu, porque esti lugal tien miga i mereci la pena paral-si un ratinu a vel lo que'l entornu guarda.

No hay comentarios: