Entradas

Mostrando entradas de agosto, 2014

La tumba dela Uerta Montero

Imagen
Las vezis que no abremus muau de parecel, de religión, de cultu, de costumbris dendi los primerus abitantis d'estas tierras ata los que estamus agora... Sin embargu, toas essas muacionis que quasi que nunca sabemus a cuentu de qué son hazin que veamus las obras delos antiguus con estrañeza i almiración.  Eno que agora es el políganu de Mendraleju, velallí ena parti norti del puebru i siguiendu una carrefilera de empuebramientus i necrópolis dendi los cerrus delas Vegas Baxas ata el centru delos Barrus, está la tumba dela Uerta Monteru, una sepoltura de que tien 4650 añus (sigún preva del carbonu-14)  i que es una delas joyas más antiguas del  patrimoniu delos estremeñus. Dibuju dela tumba ena entrá  En una lomba que ai renti al caminu Lobón que sal de Mendraleju i el regatu las Picás, mesmamenti junta el ferial, está acotau el terrenu ondi se halla la tumba. Amás, el terrenu cedíu pol ayuntamientu al reol dela tumba vá a premitil el día que aiga possibli tenteal pa vel