domingo, agosto 30, 2015

El Canchu Roanu

Es el nuestru Partenón, Vaticanu, Santiagu i Wall Street dela Antigüedá tó juntu. I está aquí, en Estremaúra. No ai que dislocal-si milis de quilometrus, ni atravessal oceanus ni maris. Ya los antiguus mo-lo pusun aquí con una cencia que agora es inorá, ena creyencia dunus diosis ya aburríus i palrandu una lengua dela que ná sabemus. El templu del Canchu Roanu, entre Çalamea i Quintana, quasi sin endicaoris que endilguin, recinchau por un regatu, delos muchus que por Estremaúra ain, que dizin Cagancha, en un enzinal por baxu dela sierra, debaxu dun chufardu modernu, sin postineu. Querían de hozal pa sacal ponel una alverca i sacarun, velallí, el menumentu más importanti dela Iberia prerromana. Namás los arquiólogus que trabajarun enas grandis pirámidis del Egitu puyerun superal en felicidá alos que tuvun la suerti d'escaval en essi buhíu la joya de tol ponienti uropeu.

Cerru enantis dela escavación (retrataúra del centru d'entrepetación)

Estau del assentamientu ogañu

Murus de retención en el Cagancha



Muru atravessandu el arroyu

Entrá al templu

Alvañal

Pozu

Unu delos molinus barquiformis que aparecierun al reol del templu

Esquina del muru esteriol

Hornu i fosu

Alvañal

Quartichis frenti la dehesa

Conjuntu del templu enas destintas camas de costrución

Muru dela parti más vieja

Detalli del altal

Altal i poyu

Detalli delos aobis

Detalli duna paré encalá

Pisu de piçarra dela abitación señorial
Entovía la Serena guarda muchas suspresas que los antiguus supun valoreal. Las conoceremus los estremeñus o dexaremus que se aburran o las despolijin?

lunes, agosto 24, 2015

Quintana detallá

Ayel domingu se terció de dil a Quintana a vesital unus parientis. Era la feria, que oi acaba, i estava el puebru a tentiboneti, peru aquellu no quitó de entre taverna i taverna i conciertu de dil a echal unas retrataúras por allí. Un primu de mi pairi mos hizu de ciceroni espricandu ca rincón de quandu él chicu. S'alamentava delo muchu que están retificás las casas, de bel caíu el tejal o el de çaleal muchas fachás. Con tó i con essu, la capital dela piera de granu no dececiona, porque las casas siguin conas esquinas, los assientus i las toças de piera i ai escúus, modernus i viejus a ca lau. Peru no vo a arreparal en essus apellíus familiaris i ena cantería d'essus símbolus eráldicus, porque ai detallinus que clissan el oju entre las toças, las casas de labraoris, las forjas i otrus rinconinus lindus del centru del puebru. Velaquí una muestra.

















domingo, agosto 16, 2015

Abuquerqui detallau

Largu de Badajós, hincau entre canchus, grandi pa estremeñus i portuguesis, está Abuquerqui, sonau pol castillu i la sus callis en prunu con puertas de cantería. Dendi arriba se vé el mundu, peru largu dela vista del vesitanti i los retratus de postal ai un Abuquerqui de esgrafiaus i piera con marcas, letras, caras, puntus i rayonis que se gravan en el oju peru no son vistus pol celebru. Velaquí una muesta d'essus detallinus.