tag:blogger.com,1999:blog-19432997.post892664289118383035..comments2023-10-17T16:37:49.652+02:00Comments on Cúyu pan esgarras?: Primel Assamblea pal huturu el estremeñuIsmael Carmona Garcíahttp://www.blogger.com/profile/12167815194487842339noreply@blogger.comBlogger2125tag:blogger.com,1999:blog-19432997.post-40698321525494585992010-12-19T13:42:12.728+01:002010-12-19T13:42:12.728+01:00Con el estremeñu lo ideal sedría que juera lo mesm...Con el estremeñu lo ideal sedría que juera lo mesmu. Amás tenemus la ventaja de que l'artuestremeñu es muchu más homogéniu que l'asturianu. Tiini qu'habel una norma de referencia, pero no hay que tresmitil el mensaji de qu'escrebil "jisu"/"hisu", "comiorin", "comé" o cualisquiel localismu o arcaísmu local "no es correctu". Jueraparti de la norma de referencia, hay que dal tamién unas normas pa escrebil cualisquiel jorma alternativa que se dé en cualisquiel palra estremeña. Hay que dal unas propuestas pa cómu escrebil el chinatu refrejandu los sus rasgus tal cual son nel escribieru, no ijiendu "el chinatu s'escribi igual pero s se lei comu z y ss comu ç y el cerraeru vocálicu postónicu se lei comu si no estara". No, qu'haiga una manera de que las diferencias se vean refrejás nel escribieru, igual que cona che vaqueira, que no llegamus a na con idil que bastaría con que se leyessi la ll comu una fricativa. Y pol qué no, dal unas propuestas pa escrebil en palras no artuestremeñas, inqu'essas ya son otra cosa, jata en palras sesseantis comu la d'Abuquerqui. Y en dende lugu, el qu'haiga una norma de referencia no quíi idil que no haiga qu'estuyal la idioma estremeña en tolas sus variantis, con tolas sus variantis morfosintácticas, léxicas y fonéticas tal cual se dan en ca puebru, y espubrical trebajus detalláus al tentu que las describan, y que premitan a ca estremeñu de ca lugal d'Estremaúra escrebil correctaenti ena varianti del su lugal tal cual es y ha síu tradicionalmenti, nuna palra en que se puea identifical al 100%. Essu aparti de tenel la norma de referencia pa anicialsi ena idioma en deprendiéndula y pa poella gastal en literatura o pubricacionis dirigías a la totaliá la Arta Estremaúra. Una cosa no quita la otra. Assina amás le quitamus más faci la radón a los qu'idin que las normas matan la diversiá (lo cual es una pachochá, antocis la norma castellana tendría qu'acabbal con ella antis...), enque paquí essi descursu no ha síu tan agressivu comu pa Asturias cono de los "amigos de los bables".<br /><br />Otra cosa de la que no sé si s'ha palráu es d'envestigaeru, qu'es tan emportanti comu la normatividación, la organidación u algotrus aspectus.<br /><br />Al respectibri lo de si l'estremeñu ena educación y tal... Una revindicación mu simpri, qu'es la mesma qu'están piyendu los cántabrus, es que l'estremeñu sía decraráu BIC, igualicitu qu'a fala. Essu no es muchu ni nenguna panacea, pero es un passu más pa ejal craru qu'oficialmenti l'estremeñu no es castellanu mal habráu. Y pue abril puertas pa más cosas, encluyendu la educación.Oppedensnoreply@blogger.comtag:blogger.com,1999:blog-19432997.post-6898394388945758282010-12-19T13:41:13.587+01:002010-12-19T13:41:13.587+01:00¿La juerza los assestentis vidu nessezariu un estr...¿La juerza los assestentis vidu nessezariu un estremeñu estanda? o_O ¿Pi no hubu unanimiá al respectibri?¿Quién diju que no?<br /><br />Lo ideal sería argu paicíu a lo que jidun los asturianus, una política d'"uniá ena diversiá". Los asturianus tiinin una norma gramatical y ortográfica de referencia basá nel asturianu central sin metafonía. Pero alogu dispués han criáu unas prepuestas pa ditalsi pa escrebil en cualisquiel varianti el asturianu, jata angunas que tiinin sonis que no dexistin nel asturianu normativu "de referencia". Pol ejempru han estabrecíu que la "che vaqueira", que no dexisti nel asturianu "de referencia", se ponga comu una "ll" con puntinus abaju o comu "l.l" si s'escribi enas variantis andi s'usa. La norma, pol un lau, consisti en normas gramaticalis pa la varianti de referencia, y alugu hain normas ortográficas que valin pa tolas variantis. Se trata de tresmitil el mensaji de que tolas variantis del asturianu son correctas en tola su dimensión (fonética, morfosintaxis, léxicu...), igual de correctas que la norma "de referencia", se puen escribil, s'anima a que se jaga y jata "la norma idi cómu hay que jadellu", pero essu no quita pa qu'amás haiga una norma gramatical "de referencia" aparti. Cualisquiel cosa qu'esté demostráu que sía tradicional pa angún puntu d'Asturias es "correcta" escrebiendu ena varianti d'essi puntu y jata tiini una manera "normativa" de sel escrebía y representá en grafemas, inque no se corresponda cono que dita la norma "de referencia" eno léxicu, fonéticu o morfosintácticu. Amás los asturianus lo ponin tos en práctica. En forus, chats, redis socialis y tal y más sonin muchus los asturianus qu'escrebin en asturianu occidental u oriental, o nel asturianu central sureñu de pa Ayer y tal, con metafonía y che vaqueira, pero no lo jadin comu les peta a ca unu, siempri se ditan sigún lo que proponi la academia pa escribil essas variantis, inque no se correspondan con el asturianu normativu "de referencia". Ponin siempri la che vaqueira comu "l.l" y la aspiración anicial del asturianu oriental comu "h.", no de cualisquiel manera que se les acuerdi. (acontina...)Oppedensnoreply@blogger.com