Entrevista pa Radio Unión Catalunya
Ayel-mañana el amigu Manuel Trinidad me hizu de dil pa la facultá de Derechu con el mistériu de entrevistal-me pal pogramina que tien Radio Unión Catalunya a tentu Estremaura, las sus gentis i la su cultura, El rincón extremeño.
El güequinu de Manuel es Voz de mi tierra, hormi la su wiki que muchus conocís. Agraeçu muchu esta oportuniá a Trinidad i a RUC por premitil-me palral a tentu el estremeñu i las cosinas enas que venimus trebajandu dende vai ya unus añinus paquí pola Redi. Tamien le doi las grácias a Rodrigo, dende la Biblioteca Central de Caçris pola su pacéncia, colaboracion i leturas.
Sirva dende esti arrádiu pal mundu la horma en que mos dedicamus al estremeñu los que mos enteressamus pola muestra cultura. Muchas grácias a tós.
El güequinu de Manuel es Voz de mi tierra, hormi la su wiki que muchus conocís. Agraeçu muchu esta oportuniá a Trinidad i a RUC por premitil-me palral a tentu el estremeñu i las cosinas enas que venimus trebajandu dende vai ya unus añinus paquí pola Redi. Tamien le doi las grácias a Rodrigo, dende la Biblioteca Central de Caçris pola su pacéncia, colaboracion i leturas.
Sirva dende esti arrádiu pal mundu la horma en que mos dedicamus al estremeñu los que mos enteressamus pola muestra cultura. Muchas grácias a tós.
Comentarios
http://www.youtube.com/watch?v=PTop4BSGaKQ
http://www.youtube.com/watch?v=LsgdcW14q50
Nel puebru ena fiesta suena assina (la canta tol puebru):
http://www.goear.com/listen/bae11b0/Alborada-de-Jarramplas-tradicional
http://www.youtube.com/watch?v=Fk1OKWhENEE
Ena versión d'Acetre idin lo de "Y al niño que repite/ ¿Qué le diremos?/ que ese santo bendito / lo suba al cielo", pero el "niñu que repiti" no pareci pol parti dinguna ena su versión. Pían bel entráu al "niñu que repiti", sin él las alborás de Piolnal pierdin muchu.
http://www.youtube.com/watch?v=5B9nMjQwRcM
Alugu dispués se pía bel mentáu que la reconocencia que tiini el estremeñu, el coigu ISO y tal, era endispensabri y sin ella no juera síu almitíu, que no tos aquellus que píin tenel una Güiquipeya lo aconsiguin. Se les pía bel mentáu con ejemprus crarus y qu'entendiessin angunus aspectus en que las palras del sul d'Estremaúra están relacionás conas del norti sin sel del to lo mesmu, pa que s'encrarassin d'una vedi. Tamién se les tenía que bel espricoteáu qué es essu del "castúo" cuandu se mentó essi términu, la origin d'essa parabra y que no tiini apeninas arraigu tradicional entre la pobración. Cuandu se mienta lo de cómu "encajemus las críticas" se le pue idil que las críticas join pero que yo de las críticas me ríu, y desprical de manera cencilla y crara pa que tol mundu lo entendiera los marrus en que cain los qu'escribierun lo de "invenciones sin rigor filológico" y los d'UPyD, polqu'essu no son ni críticas, son cagás mentalis. No es que nieguin el estremeñu namás o que no conozan bien lo qu'es el estremeñu, sino que la cagan ca vedi qu'abrin la boca (ijiendu cosas comu qu'el lambdacismu pa la erri final es un raju d'origin lionés xD) y se podría bel ejáu craru. Cuandu se mienta lo de que no valoramus la muestra jorma de palral y que no tenemus concencia lingüística habría qu'ejal las cosas craras. Concencia lingüística tenemus poca, pero tal comu se cuenta ahí, cualisquiá idiría que pola calli tiran pieras a tol qu'aspiri una essi del prural. En encuestas lingüísticas hay genti qu'idi que palra estremeñu y hay genti que cuanti que les escomienzas a habral d'estas cosas deseguía reconocin la riqueda lingüística que tenemus, y tamién comu se mienta hay genti que quíi deprendel. To es negru, pero no tantu, no hay qu'echalsi más pieras nel tejáu de la cuenta.
Pero en general la entrevista está bien. Lo únicu es que la manera comu lei el tíu essi lo que poni ena Güiquipeya la jadi pocu "presentabri", lo convierti to en más humorísticu qu'otra cosa. Essu sobraba si se quería dal empressión de serieá, jueraparti d'essu no tiini preciu lo que m'he riyíu oyendu lo de "las Vegas Bayas" y to essu xDDDD.
"Iju dun valviensi i duna poblanchina, culsó los estuyus primária nel colégiu Adolfo Díaz Ambrona en Valdelacalçá. Nel 2000 muó los sus estuyus secundária al estitutu Enrique Díez Canedo de Puebra la Calçá. Entri el 2004 i 2009 estuyó Filologia Crássica ena Uex.
El su enterés pol estremeñu vinu grácias a la su família i al atrás la letura el Miajón de los Castúos. Partiendu dun contautu vivu cona luenga, esmençó con estuyus de fonética envestigandu la palra las Vegas Bajas, destraçandu quairus fonéticus i parabrerus con el léssicu autótonu.
En 2003 gana un prémiu nel conculsu literáriu qu’olganizó Extremadura Unida con el puema entitulau La matanza. Entri los añus 2003-2004 escrebi el su primel puemáriu entitulau El otoño del hombre.
En Abril del 2005 alcibi una mención d'onol con un relatu cortu nel certamin literáriu "San Isidoro de Sevilla" qu’olganiza la Facultá de Filosofia i Letras, en Caçris. "
-----------
Pues él coge y lo lee así:
"Iju dun valenti y duna...duna poblanchina, estuyó Filologia Crássica ena Uéx.
El su enterés pol estremeñu vinu grácias a la família i al atrás la letura el Miajón de los Castúos. Partiendu dun "cantúu" vivu cona lengua "esmencó" "estayus" fonética "envestiguandu" la "pálara" las Vegas "Bayas". "Destrangú" quairus fonéticus i "parebrus" con el "lessículu" autótonu.
En 2003 gana un prémiu nel "consulta" literáriu qu’"olganiçó" Extremadura Unida con el puema entitulau La matanza. Entri los añus 2003-2004 escribí el su primel "primáriu" entitulau El otoño del hombre. En Abril del 2005 "alcibí" una mención d'onol con un relatu cortu nel certamin literáriu "San Isidoro de Sevilla" qu’"olganiça" la Facultá de Filosofia i Letras, en "Caçrís"."
---------------
La canción de Acetre aparece siempre como una sintonía más en medio del programa, todas las semanas, en Radio Unión Cataluña. Están hasta en la sopa, pero en fin. Efectivamente Acetre en una entrevista mostraron no tener mucha idea del patrimonio lingüístico extremeño, pero la verdad es que no son los únicos...
Una encerrona intencional no puede haber sido porque Manuel Trinidad no es ese tipo de personas, está en un principio más bien de nuestra parte pese a todo, aunque ha tocado determinados temas que debieran estar más que superados en una perspectiva que no venía a cuento y la respuesta que se ha dado podría haber sido mejor. Ya he tratado de resumir más arriba mi opinión al respecto.