Cujo pan esgarras?

El caraiti i el pensamientu los ombris tien el mijol refreju enas parabras la su própia luenga. Ain campus enos que el léssicu se estronchona i, gastandu de tolos reculsus gramaticalis i lessicalis, se encasulla i pinga de matizis. Unu destus chascus son los verba percipiendi , andi unus sintius cuentan con un léssicu mas deferenciau qu’otrus. El mas emportanti es la vista i es un sintiu en que la huerça las luengas tien un haci verbus con el senificau básicu de “vel” pero con destintus sintius. Acontinación, vo a esponel los prencipalis verbus de “vel” que dessistin en estremeñu. · Vel : “pelcebil cona vista algu”. Es el verbu genéricu pa la vista, sin apeninas marca. Provién duna antígua holma veer i ésta del latín uidēre . En estremeñu es inregulal, juegandu con dos raizis i várius alomorfus. Derivaus desti verbu son entrivel “vel con emparchi algu” i prevel “vel enantis, con antelación”. · Miral : “derigil la vista a algu”. S’opón al anteriol verbu en que esti ti...

Comu llevu tiempu quijiendu atualizal la bitácora Las Vegas Bajas sin hallal mó i maea de puel olganizalmi con el material que tengu, oi pol fin m'atelminau a crial una seición que me valga pa dil encasullandu el bichu a pocu a pocu. S'entitula Luenga fija i allí idré pusiendu frasis, espressionis, dichus, reflanis i acertajonis gastaus pa la mi zona. Es possibri que la seición la destienda tamién pal Cúyu pan esgarras?, anque no prometu ná, namás es una idea. Asperu que los letoris de pa las Vegas Bajas contribuigan tamién queandu las frasis u reflanis que conoçan. El endirgui desta semana es: pegase un pegoti . Pol ciertu, pol mó la nueva ortografia, é tiniu que muali la direción a la página, qu'agora es: http://lasvegasbajas.blogspot.com/

El muestru compañeru i amigu Miguel Angi "Purgosu" acabija de espubrical pola redi un pequeñu haci parabras estremeñas, que son la continación duna lista qu'escomençó has un añu. El nuevu catálogu tien parabras tan particularis comu "soliviar", "pezurraco" u "manejantón". Ena lista tamién se hallan encluias frasis hechas i espressionis, velequí "estar harto de suero" u "al rebujón pelotón". Vos recomiendu que las veais aquina , no tien perda denguna.

Anque paiça mentira, no muchu hás, la genti no se llamaba Johny ni Maite ni Charlie ni Vanessa ni Jessica sino Lutéria , Juan , Calru u Jesula . Teniamus nombris gelmánicus, semíticus, griegus i romanus, pero paici que agora llamalsi Todoru u Colasa es pocu menus que llamalsi Pringuizorra! Los nombris pressona en estremeñu mas tradicionalis son griegus u romanus u gelmánicus u bíblicus i a naidi l’achopaçaba el hechu de mental a alguin pol Felicita u Isiru . Estus nombris tan pulius enas luengas d’origin comu Lutéria “libertá” u Meregildu “guerreru” se están perdiendu. La huerça los nombris própius en estremeñu se caraiterizan pol un prohundu cámbiu fonéticu dende el original. La prencipal caraiterística es la perda la primel sílaba la parabra (aféresi), comu aconteci de continu n’asturianu. —De A- : Délia, Gapitu, Nastásiu, Polóniu, Tanásiu. —De E -: Cequiel ~ Ciquiel, Duvigi, Lías, Lutéria, Lutériu, Emerenciana, Míliu, Mília, Milianu, Miliana, Mitériu, Pifániu. —De I-: Gíni...

Unu no se toma cuenta de la antigüeá duna luenga hata que no s’enlia a avrigüal los escurus orígin las palabras mas ralas que tien. Esta tardi andaba cona parabra cambullil “espilongueal, columbial”. Se me vinu a la maginación otra parabra con senificau comparanti: cambaleal . Dambas a dos parabras tien sufijus, no ralus en estremeñu -ull- i - al -, presentis en parabras comu gaçaparullu, garabullu, mermullu, curralal, vortalailla u acarcalal de los que m’acuparé notrus endirguis. Es mu siguru qu’esta raís seya prerromana, ampriamenti esperria polos certas nel Ponienti peninsulal. Landeandu enas supuestas raizis induropeas, tan produtivas ellas namás que con tres letrinas, vidi una que curiosamenti senifica “dobral, abangal, daleal” que es velequí: *kan(p) -. Parabras en luengas induropeas lo demuestran: gr. κάμπη “curva”, κάμπτειν “abangal, dobral”; lat. campsare “dobral”; cast. combar . En estremeñu dessistin angunas parabras que compartin esta mesma raís, pol ejempru: —camba ...

Paicin palraurias pero no lo son. Mas que palraurias própias que holman los mitus es una tragédia. Abemus dos tesorus lessicográficus en estremeñu que entavia están sin pubricaeru. El primel dellus es el Diccionario Serradillano , obra el maestru José María Real Antón, frutu de muchus añus coleción i estuyu las parabrinas la su localiá natal. L’obra tien unus 35.000 télminus i enclui estuyus lingüísticus i testus dialeutalis i puéticus. Alogu está el proverbial dicionáriu que Pablo Gonzálvez lleva añus laboreandu. Quien lo vidun din sel menumental. Pi cómu es possibri qu'estus tesorus léssicus no andin enas librerias i enas bibliotecas? Anque paiça mentira el mistériu es mu simpri: naidi quiel espubricalus. Lo mesmu que l’aconteció a Antonio Garrido cona tradución d' El Prencipinu i a otrus tantus que quierin espubrical en estremeñu, se ven literalmenti negrus paque el frutu de tantas oras trebaju i eicación se vea ena calli. Las eitorialis dan un polcentagi mu bajirrininu pa...

Trebajandu nel dicionáriu me tomé cuenta de la preséncia dun elimentu con que escomençaban várias parabras en estremeñu i que curiosamenti guardaban un pahiu semánticu. Esti elimentu, que bien puei arreparalsi nél comu compositivu, es velequí cala- . Una las raizis mas antiguas qu’abemus es la bicha induropea *k j er-/*k j r- “cuernu, cabeça, cimera”, mu produtiva enas luengas antíguas i tamién presentera enas muelnas. Veleí el sáscritu śíras- “cabeça”, el griegu antíguu κέρας “cuernu”, κάρα “cabeça, cara”, κράνιον “crániu”, el latín cerēbrum “celebru” u cŏrnū u mesmu n’ingrés horn “cuernu” u nel galés corn “cuernu”. Alogu puemus entral en derivaus dessa raís comu ciervu, cierval, cervécia, cervís, cervical, cara , u Cambroncinu . Ciervu el bestiáriu meyeval Pero andi mas presentera está la raís induropea i que á produciu angunas parabrinas en estremeñu es tras la holma cala- -. Esti elimentu á esprimentau un landacismu, cosa no rala en estremeñu. En efetu esti elimentu conselva ...

Estus dias atrás sulhió el tema la ortografía de nuevu. Una de las cosas que siempri á llamau l’atención la henti es el usiu de “ h ” i nu de “ j ” cumu estila sel gastá pol escrebioris i otras pressonas que gastan el estremeñu. Cumu andu cona revisión la ortografia i almitu tó tipu críticas i propuestas, lo de la “h”u “j” es siempri un tema entrincanti, assinque, agora vos preguntu, prefirís “h” u “j”? Vos pongu una sérii ergumentus pal escrebieru dambas. Si tenís angunu mas, al favol u a la contra, endicailu enos vuestrus comentárius. Escrebieru H —La H representa ena huerça las idiomas al fonema laringal /h/. Amás tal es el símbulu fonéticu. En ingrés hot, hello, high; alemán: heute, haben; rumanu: haină, pahar. Pol meyu desta letra se representa perfetamenti el son estremeñu. —La H es al estremeñu lo que la X al asturianu u al gallegu. V. gr.: ast.: exerciciu, xeografia, rexón; gall. exercicio, xeografía, rexión; estr.: ehelcíciu, heografia, rehión. Nesti sintiu s’uñi al escrebieru...

Acabihu de subil a la Redi una obrina en estremeñu. Se trata del De prouidentia qu'escrebió Séneca traduciu al estremeñu. Anque seya un tratau cortu, es hunta El Prencipinu , Requilorios, Primera Gramática Ehtremeña , La Cohtitución en ehtremeñu i el cuentu la Mardición de Marián , una las pocas obras en prosas escritas en estremeñu.  Anque nu prometu ná, possibrimenti seya la primel obra duna coleción testus crássicus latinus i griegus traducius al estremeñu, dependi de la acohia que tenga el púbricu i el enterés que muestri pol esti tipu obras, que, huendu de suyu enteosas pal letol el sigru XXI, se dobra pol velsi traducia a una idioma cumu el estremeñu. Esta primel obrina es de tema filosóficu, vos pongu un cachinu la entrodución: Esti opúsculu s’enhalla endrentu los Dialogi i compón el primeru de los sus dozi librus. El su títulu orihinal en latín es De prouidentia . Esta obrina en seis capítulus qu’eicó a Lucíliu es una reflessión filosófica pol mé la quala quiel dali un...

Los "güiquígrafus", letoris i amantis el estremeñu están de noragüena. Oi mesmu el númiru endirguis la Güiquipeya á superau los 500 ! Abemus mas de 500 artículus escritus ena enciclopeya n'estremeñu al tentu de quasi tolos temas. Asperemus llegal a los 1000 con esta mesma salú, anque con mas colabutación. Muchas grácias a tolos que trebahan nella i pa ella i muchas grácias tamién a los qu'án hallau nesta enciclopeya, amás dun meyu en que comunical el sabel, la prencipal páhina la Redi la curtura n'estremeñu. Noragüena!

Andu, cumu sabís, a revisal l' Ortografía . El otru dia m'anduvu palrandu tiu Pelinu al tentu el pero i el dende i se m'ocurrió alvertil destu pol aquí tamién. Unu los pobremas pranteaus á siu el del escrebieru la apofonia pretónica, veloí, los afechis qu’esprimentan las vocalis e i o enantis dun acentu. Tres contestus son los mas conflitivus:  a) Proclíticus. Tolos monossílabus i bissílabus que nel escrebieru bichamus delantri desseparaus duna parabra peru qu’acentualmenti se sostriban nella, son proclíticus. La carrafilera dellus nu es mu albundosa:  —Pronombris: me, te, se, le, que, quien, mos, vos, sos . (Los pronombris me, te, se, le, mos, vos i sos sí afechan sistematicamenti la vocal de que se trasholman en enclíticus). —Conhuncionis: que, anque, manque, polque, paque, desque, pero… —Preposicionis: de, dende, ende, desde, pol. —Artículus: lo, los . —Parabras ocassionalmenti proclíticas: no, yo . Estas parabras, de que s’apoyan enas bichas que les siguin, puein a...

Ena revisión desti añu la Ortografia, en viendu la cantiá pobremas que prevoca nel escrebieru la prepusición "de", m'á paiciu opoltunu simprifical el su usiu namás colas holmas "de" i "d'", es izil, imus a prescindil la varianti "e". Bemus dehuyiu de la fonética sintática en favol duna escritura mas crara.   106. Esta es la más problemática de las preposiciones en extremeño en lo que respecta a su plasmación en el texto escrito, ya que en la lengua hablada unas veces sufre aféresis de su consonante, otras elide la e , otras forma crasis y otras directamente se omite. Para determinar su escritura o no, ténganse en cuenta los siguientes principios sintácticos orientativos. Se escribe de o d’ ante vocal: a) Al encabezar un complemento circunstancial: Vieni de la piscina «Viene de la piscina»; Un engressu de várius días «Un ingreso de varios días»; Una carrera de muchu sacrifíciu «Una carrera de mucho sacrificio». b) Al introducir un com...

El testu qu'acontina es un cachinu sacau la Ortografia revisá del presenti añu. 42. La letra s representa dos sonidos según su posición. En posición explosiva representa el fonema fricativo alveolar sordo /s/ en palabras como selvíciu «servicio» o alfeissán «alubia». En posición intervocálica representa el fonema fricativo alveolar sonoro /z/ en palabras como casa «casa», guisal «guisar» o los otrus «los otros» . En cambio, cerrando sílaba, representa en la mayor parte de los casos la aspiración débil de mesmu «mismo», rescucialsi «atildarse» o tós «todos».   43. A comienzo de sílaba no supone mayor problema , pero, sin embargo, cerrándola ocasiona numerosos conflictos, ya que su etimología es muy dispar, procediendo de letras tales como la s , z , c , x , etc., normales en esta posición en otras lenguas y dialectos romances.  A pesar de la problemática que existe con esta letra a final de sílaba, símbolo de la aspiración débil, existen algunos principios según los cuales es ...

Nesti passau veranu anduvi revisteandu la Ortografia arreparandu naquellus puntus que resurtaban enteosus u bien añiyendu endirguis que puean ayual al escrebieru el estremeñu. Asperu ya plontinu subila a la Redi, peru, mentris, quiu dal un anticipu sobri aquellus espetus qu’án muau pol mé la bitácora pa vusotrus opinal al respetivi.  Esti, veloquilu, es el prólogu a la segunda eición.  En vistas a la acogida que ha tenido la Ortografía en este pasado año por parte de aquellos que se inician en el aprendizaje del extremeño y de la divulgación libre que ha tenido por la Red, me he visto obligado a subsanar algunos errores, aclarar algunos puntos y simplificar formalmente otros de acuerdo con las dudas y problemas planteados.   Sin alterar la estructura interna de la ortografía, se han suprimido puntos tales como la escritura de los elementos compositivos de origen grecolatino o la aféresis de la preposición de , por no resultar verosímil extender el mecanismo sobre la formación de compu...

É escrebiu un pal d'articulinus mas ena Güiquipeya , al tentu l' aférisi i la prótisi , un esquemina namás. Asperu puel dil escrebiendu mas endirguis al tentu fonética.

Manuel Sánchez, vocal l'associación oliventina Além Guadiana , que runcha pola recuperación el purtugués ena villa d'Olivença i enas aldigüelas próssimas, tamién criaol la seción n'oliventinu la Güiquipeya, la Wikipédia en português oliventino , fala pal Portal Galego da Língua al tentu la situación atual desta luenga n'Estremaura i de cúmu se llegó a ella. Vei aquina la entrivista.

Siñores, siñoras, la Güiquipeya ya á siu tresladá i ya es convizina oficial en idioma con otras Wikipedias del mundu. La su direción es agora http://ext.wikipedia.org . Muchus añus de via i muchus artículus mas! 

Lo qu'acontina preteneci a un artículu entitulau Elementos subordinantes temporales , ondi descrebu sumerinamenti los prencipalis nessus subordinantis las oracionis temporalis en estremeñu. Pol sel una mihina largu, namás vos pongu polo plontu la primel parti el estuyu. La acción de la oración subordinada transcurre antes que la acción de la principal. En extremeño es posible graduar el tipo de inmediatez respecto al verbo principal, que va desde lo más indeterminado ( quandu, hormi ) hasta casi rozar la simultaneidad ( quantis quantis, en quantitu que ). · Quandu . Es el más global e indefinido de los elementos conjuntivos temporales. No posee ningún matiz distintivo ni posee apreciativo. Obsérvese que para marcar la anterioridad, el verbo de la oración subordinada en este caso va en subjuntivo. V. gr.: Venti quandu t’avisi mi helmana «Ven cuando te avise mi hermana». · Hormi. Procede del adjetivo (con)formi e introduce un tipo de oración temporal-modal pero sin grado de inmedia...