Cujo pan esgarras?

Unas cancioninas del nuevu discu de Anhinojo folk pusun en el pograma Tarataña , de RTVE. Poeís oyé-las aquina .

Me dixu José María, de Anhinojo Folk, que ya tenían el discu de Cantaris de trasantiel sacau. Le respondí: "Pos, mira, si estás en el puebru vo a por él i de passu m'enseñas el lugal". Tenía que ajorral de Coria, assinque poquinu costava desvial-si una mijina en cruzandu Taju pa dil a Los Inojalis. José María me hizu de ciceroni. Dendi aquí, muchas gracias. Descarecía lo que es la arquitectura dela parti nueva porque está bastanti remoceá pa comu él lo conoció, mos huimus pala parti vieja, andi judíus, cristianus i musulmanis quearun la su huélliga más presentera. Escúu a la entrá Enque enos rétulus, endicaoris i mesmu cancionis apareça el nombri de "Hinojal", los garrovillanus dixun de siempri alas tierras andi está alevantau el puebru "Los Inojalis", topónimu mas antiguu i que ya apenas quea entre los vezinus del lugal. La prenunciacion moerna i el propiu nombri no tien ná que vél, pos dizin ya Inojal , antigual de Los Inojalis . Prencipiandu ...