Cujo pan esgarras?

Ena hondura que has el ríu Xerti quandu passandu Cabeçuela, más alantinu del estitutu, entre chaleris i casillas de campu están las ruinas del puebru de Vaíllu (Vadillo, Badillo). Retratu del Vuelu Americanu en Vaíllu a metá del sigru passau  Diendu pol caminu la Puenti los Butris, en una parti de vega dispués del cerru ondi está Cabeçuela, estava el puebru de Vaíllu. Estuvu con genti ata'l sigru XIX porque dispués delas facatúas que hizu el exércitu francés en el Valli, puebrus comu Xerti o Vaíllu quearun arramplaus i cona guerra civil acabarun por mermal. Pascual Madoz mo-lo cuenta assina:   Vadillo : Lugar despoblado en la provincia de Cáceres, partido judicial de Plasencia, ayuntamiento de Cabezuela (1/4 legua). Situado en lo llano del valle; tiene 3 casas y una iglesia parroquial (Ntra. Sra. del Vado). En 1808 le desvastaron los franceses quedando reducido a 10 casas y en 1837 le abandonaron los vecinos, con motivo de la guerra civil Vista gener...

Largu de Badajós, hincau entre canchus, grandi pa estremeñus i portuguesis, está Abuquerqui, sonau pol castillu i la sus callis en prunu con puertas de cantería. Dendi arriba se vé el mundu, peru largu dela vista del vesitanti i los retratus de postal ai un Abuquerqui de esgrafiaus i piera con marcas, letras, caras, puntus i rayonis que se gravan en el oju peru no son vistus pol celebru. Velaquí una muesta d'essus detallinus.

Trugillu no cansa de susprendel. Es unu d'estus puebrus que contri más lo miris, más enamora. Dispués de más dun añu sin acuíl pallá, regressé oi i me truxi comigu un bandu de retratus, peru sobre tó un enamoramientu más acendíu, i no lo digu pola calol precisamenti. En esta muestra, esperu que lo entendais mejol.

Las vezis que no abremus muau de parecel, de religión, de cultu, de costumbris dendi los primerus abitantis d'estas tierras ata los que estamus agora... Sin embargu, toas essas muacionis que quasi que nunca sabemus a cuentu de qué son hazin que veamus las obras delos antiguus con estrañeza i almiración.  Eno que agora es el políganu de Mendraleju, velallí ena parti norti del puebru i siguiendu una carrefilera de empuebramientus i necrópolis dendi los cerrus delas Vegas Baxas ata el centru delos Barrus, está la tumba dela Uerta Monteru, una sepoltura de que tien 4650 añus (sigún preva del carbonu-14)  i que es una delas joyas más antiguas del  patrimoniu delos estremeñus. Dibuju dela tumba ena entrá  En una lomba que ai renti al caminu Lobón que sal de Mendraleju i el regatu las Picás, mesmamenti junta el ferial, está acotau el terrenu ondi se halla la tumba. Amás, el terrenu cedíu pol ayuntamientu al reol dela tumba vá a premitil el día que aiga possibli...

Caçris enamora comu capital, peru quiciá que los tesorus que quean agarvaus delas rutas i del visiteu sean los que más atraigan.  Sin pensal-mus que la rivera de Guadiloba truxera tantus tesorus ena su corrienti, el otru día mos topemus un rinconinu preciosu, escamuflau entre la piçarra, en una delas retortuñas que hazi: el molinu de Topeti. Mapa del lugal del IGN  Al norti dela capital, diendu pola carretera de Torrejón, un poquinu dispués de salil el cruzi pa Marta, ai una carreterucha que tira pal Casal. Pos passandu Guadiloba s'encuentra ena retortuña que está asseñalá en el mapa la parti de Topeti con el su molinu. Muru dela presa con el molinu al mediu  No es un molinu namás, es un conjuntu d'arquitetura tradicional imponenti: presa, piçarra, cazis, molinu, almacén i probablimenti, vivienda. El rincón por juntu tien una riqueza del paisagi i dela arquitetura casá con él delos pocus que poemus vel tan bien escamuflaus. Vista del conjuntu en aba...