Cujo pan esgarras?

Siguiendu conos reportagis hechus dela coltura material i natural dela Sierra de Santa Crus, en esti endilgu amus a vel el castillu dela Sierra de Santa Crus. Almiracionis dela sierra i del puebru de Santa Crus dendi San Gregoriu  Pocas son las enteracionis que se tienin d'esta fortaleza i del sitiu en que estava. Quandu se subi polas laeras embarrerás del picu de San Gregoriu es compricau abrigual qué conseña correspondi al castillu, pos en ca canteru de terrenu llanu puein vel-si los restus de murus, esquinas de torreonis (?) i viviendas. Con tó i con essu sí ai algu eno que poemus sostribal-mus pa dizil algu d'essi antiguu castillu: el mesmu picu de San Gregoriu. Escalera d'entrada tallá ena piera  A 844, el picu de San Gregoriu es la testalera dela sierra i de tola comarca de Trugillu. Las almiracionis que dendi allí ai, albarcandu dendi las Vegas Altas de Guadiana ata Mirabeti i dendi las Villuercas ata la Montanchi, lo hazin el centru de vegilancia c...

Esti es el primeru duna serii de reportagis pola Sierra de Sta. Crus, que por causa dela riqueza de paisagis, ruinas i estoria diva a sel enteosu poné-lu dun endilgu namás. La Sierra de Sta. Crus es unu d'estus sitius que engamonitan dendi la lexanía. El molizu imponenti que s'alevanta entre Trugillu i Mijadas, más que escamuflal-si con el ambienti, se señala más que otra cosa nenguna, más que la sierra de Montanchi, más que los berrocalis trugillanus... El viági alos misterius d'esta sierra lo prencipiamus con el'agua, sina que poemus entendel la estoria milenaria del lugal. Pieça dela canal Los maniantalis i venerius d'esta sierra son muchus i esparramaus por varius laus dela sierra. Mesmu Búrdalu naci cerca, perdiendu-si entre los sotus de dehesa de salienti. Los antiguus lo sabían i s'assentarun. Cachu del destraci dela canal renti al caminu Las Viñas  Pola parti que dizin Las Viñas, hechu con pieças de granu entallau, abaxa una c...

No se apura Trugillu en vivencias: tantus huerun los pobraoris d'esta milenaria ciá que no se puein albarcal las huélligas que quearun. Alos ojus moernus puean parecel pieras esparramás unas, arremangás otras, hincás pa un lau o acostás pa otru. Alguna paré farrungá, ozenas de portillas, barrigas que ensoman polos çarçalis. Cercas i callejas. I sin embargu, entendemus mejol Trugillu dendi estas cercas o dendi los imponentis canchalis delos sus berrocalis que viendu velallí los palacius: essi es el Trugillu que gusta de regenteal entre turistas espasmaus, escupiendu parriba la estoria del chacineu i la mortandá. Peru amus a dexal los descalientus palos que se sientin ergullosus d'essa estoria negra i volvamus mejol palas callejas de debaxu del castillu, al norti, enantis delas tierras dela Madalena. Puerta dela Coria  El viagi mos lleva dendi la puerta dela Coria ata la cerca de Pillito  pola calçá romana que ajorra a esta parti dela muralla.  Puerta dela Cor...

Enverneci el campu i tó al reol revienta con un estrumpíu de coloris i goloris que ni máquina de retratal ni ordenaol de altas resolucionis poían trael-vus aquí. La primavera estremeña dueli, entonteci i amoorra i, sin embargu, remocea i da espabilación alas almas que alampan pol sol. El misteriu namás puei sabel-si viendu pegal saltus alos langostus, tronchandu magarças, trompeçandu entre canchus i hundiendu el pie en honda yerva. Dexandu los pelus delas pargañas enreal-si entre los deus, sintiendu el chiribeu de páxarus, viendu las piaras de vacas romiandu, sin endañal, namás passandu comu'l airi que se cuela entre las enzinas, ramajeandu i cargandu-si delos goloris. Precisamus d'essi verdol que mos çoronguea i entrapa, que mos limpia los ojus delas luzis artificialis i mos roça las perneras sin pensal. Aquí teneis un cachininu d'essa primavera estremeña, que dueli i remocea, dela primavera trugillana que ajorra pa Ruanis pol un cordel de ganau, q...