domingo, abril 28, 2013

El cordel de Ruanis


Enverneci el campu i tó al reol revienta con un estrumpíu de coloris i goloris que ni máquina de retratal ni ordenaol de altas resolucionis poían trael-vus aquí. La primavera estremeña dueli, entonteci i amoorra i, sin embargu, remocea i da espabilación alas almas que alampan pol sol. El misteriu namás puei sabel-si viendu pegal saltus alos langostus, tronchandu magarças, trompeçandu entre canchus i hundiendu el pie en honda yerva.

Dexandu los pelus delas pargañas enreal-si entre los deus, sintiendu el chiribeu de páxarus, viendu las piaras de vacas romiandu, sin endañal, namás passandu comu'l airi que se cuela entre las enzinas, ramajeandu i cargandu-si delos goloris. Precisamus d'essi verdol que mos çoronguea i entrapa, que mos limpia los ojus delas luzis artificialis i mos roça las perneras sin pensal.

Aquí teneis un cachininu d'essa primavera estremeña, que dueli i remocea, dela primavera trugillana que ajorra pa Ruanis pol un cordel de ganau, que atraviessa una linda puenti por cima de Magasca, cogiendu berrocal, cogiendu plaera.

Ombreras que apreparan la ruta

El cordel
Pegas aposás en el canchal


Curita 

Canchal ajorrandu el Berrocal

Lagareta arriba dun canchal

Canchalis del Berrocal

Engarilla

Paré de piera

Langostu aposau

Escoja dela flora

Liriu abiertu

Abrevaeru de ganau

Puenti ena terminación de Trugillu sobre Magasca

Puenti dendi'l caminu dela Sotanilla

Almiración dendi la puenti nueva dela carretera ala Cumbri

No hay comentarios: